काठमाडौं । राष्ट्रिय सभाका पूर्वसदस्य एवम् नेकपा माओवादी केन्द्रका नेता रामनारायण बिडारीले नागरिकता विधेयकबारे भ्रम फैलाइएको बताएका छन् ।

माओवादी केन्द्र निकट अखिल क्रान्तिकारीको विद्रोही पक्षले आयोजना गरेको ‘नागरिकता विधेयक : भ्रम र यथार्थ’ सम्बन्धी अन्तरक्रिया कार्यक्रममा बोल्दै बिडारीले यस्तो बताएका हुन् ।

उनले भारतीय र तिब्बती मूलका नागरिकले नेपाली नागरिकता पाउन लागेको भ्रम फैलाइएको बताए।

बिडारीले भने, ‘२०४५ सालमा नागरिकता पाउनेको छोरो अहिले ३५ वर्ष पुग्यो । बुवा नेपाली नागरिक हुने, तर छोराछोरी अनागरिक हुने,

यस्तो पनि कहीं हुन्छ ? जन्मसिद्वका छोराछोरीलाई तत्काल नागरिकता दिनुपर्छ । एनआरएनको बारेमा बुहारीको विषयमा सोच्दै गरम्ला ।’

नागरिकता विधेयक प्रमाणीकरण नगरेर राष्ट्रपतिले बेइमानी गरेको आरोप उनले लगाए ।