तनहुँ । नेपाली कांग्रेसका वरिष्ठ नेता रामचन्द्र पौडेलले जिल्ला र देशको समग्ररूपमा सर्वाङ्गीण विकासतर्फ अगाडि बढ्न आवश्यक रहेको बताएका छन् ।

व्यास नगरपालिका ४ को व्यास युवा क्लबद्वारा आज सोमवार आयोजित तेस्रो व्यास युवा कप २०७९ ए साइड फुटबल प्रतियोगिताको समापन गर्दै नेता पौडेलले चौतर्फी विकास गरिनुपर्ने बताएका हुन् ।

देशको समग्र विकास आवश्यक रहेको बताउँदै उनले देशलाई सुशासन दिने नैतिक शक्ति भएको नेतृत्व चाहिएको उल्लेख गरे ।

तनहुँलाई नेपालभरको नमुना जिल्लाको रूपमा विकास गर्न आवश्यक रहेकाले अब विकास अगाडि बढ्ने उनले बताए ।