काठमाडौं । बलिउड सिनेमा ‘उचाइ’को नयाँ पोस्टर सार्वजनिक भएको छ । रिलिज डेट नजिकिँदै गर्दा निर्माण पक्षले चलचित्रको नयाँ पोस्टर सार्वजनिक गरेको हो ।

सुरज बडजात्याको निर्देशन रहेको चलचित्र नेपालको सुन्दर हिमाली भेग मनाङ, मुस्ताङ लगायत क्षेत्रमा छायाङ्कन गरिएको हो ।

चलचित्रमा बलिउडका महानायक अमिताभ बच्चन, बोमन इरानी, अनुपम खेर, परिणिती चोपडा, सारिका हसन र ड्यानी डेन्जोङ्पा मुख्य भूमिकामा छन् ।

मित्रताको साहसिक यात्राको कथा बोकेको यस चलचित्र नेपालको हिमाली भेगमा छायाङ्कनका लागि मुख्य कलाकार परिणिती, बोमन, अनुपम, निर्देशक बडजात्यासहित करिब २०० जनाको टिम गत वर्षको अक्टोबरमा नेपाल आएका थिए ।

यस चलचित्रमा नेपाली कलाकारहरूले पनि अभिनय गर्ने मौका पाएका छन् । चलचित्र यही वर्षको नोभेम्बर ११ तारिख अर्थात् कार्तिक २५ गते रिलिज हुँदैछ ।