एजेन्सी । रुसी अन्तरिक्ष यात्री भ्यालेरी पोल्याकोभको ८० वर्षको उमेरमा निधन भएको छ । रुसी अन्तरिक्ष एजेन्सीले पोल्याकोभको उनको मृत्यु भएको घोषणा गरेको हो।

कीर्तिमानी समय अन्तरिक्षमा बसेका उनले सन् १९९४-१९९५ को बीचमा ४३७ दिन मीर अन्तरिक्ष स्टेशनमा बिताएका थिए।

त्यहाँ उनले मंगल ग्रहमा लामो दूरीको यात्रा गर्नुपर्‍यो भने मानिसहरूले आफ्नो मानसिक स्वास्थ्य स्वस्थ राख्न सक्छन्-सक्दैनन् भन्ने अध्ययन गरेका थिए।

उनको १४ महिनाको परीक्षणमा अन्तरिक्षमा बस्दा उनको कार्यशैलीमा कुनै असर पुगेन। उनको जन्म मस्कोको तुला शहरमा १९४२ मा भएको थियो। उनी पहिले एक चिकित्सक थिए र पछि अन्तरिक्ष यात्री बनेका थिए।