काठमाडौं । महिला साफ च्याम्पियनसीपको फाइनलमा नेपाल मध्यान्तरअघि नै दुई गोलले पछि परेको छ ।

अत्यन्त प्रतिस्पर्धात्मक खेलमा बंगलादेशले १३ औं मिनेटमा पहिलो गोल गरेको थियो भने ४२ औं मिनेटमा दोस्रो गोल थप्यो ।

खेलको ३६औँ मिनेटमा अनिता बस्नेतले प्रहार गरेको फ्रिकिक बंगलादेशकी गोलकिपर रुप्ना चक्माले मुस्किलले बचाएपछि नेपालले १–१ गोलको बराबरी बनाउने मौका गुमाएको थियो । लगत्तै नेपालले कर्नर पाएको थियो । अनिता बस्नेतले नै प्रहार गरेको कर्नर बंगालदेशका खेलाडीले गोल लाइनबाट बचाएका थिए ।

खेलको ४१ औँ मिनेटमा बंगलादेशले गोल गर्दै अग्रता दोब्बर बनायो । बंगलादेशकी श्रीमोति कृष्नारानीले गोल गरेपछि बंगलादेश पहिलो हाफमा २–० गोलको अग्रता लिएको हो ।

नेपाल यो पटक बंगलादेशलाई हराएर ऐतिहासिक सफलता प्राप्त गर्ने योजनामा भएपनि पहिलो हाफमै दुई गोल खाएपछि दवावमा परेको हो ।