धनगढी । सुदूरपश्चिम प्रदेशका मुख्यमन्त्री त्रिलोचन भट्टले सहरमा बसेकाहरूले संघीयताको विरोध गरिरहेको आरोप लगाएका छन् ।

संविधान दिवसको अवसरमा आयोजना गरेको कार्यक्रममा बोल्दै मुख्यमन्त्री भट्टले त्यस्तो बताएका हुन्।

उनले संघीयताले गाउँमा विकास भएको तर, सहरको नजरले त्यो नदेखेको बताए ।

उनले भने, ‘सहरमा बसेकाहरूले संघियताको विरोध गरिरहेका छन् । सहरमा बसेर संघीयता चाहिँदैन, प्रदेश चाहिँदैन, धर्मनिरपेक्षता चाहिँदैन भनेर हुन्छ ? संघीयताको उपलब्धि हेर्न गाउँ जानु पर्छ।’

संविधानको पूर्ण कार्यान्वयन भए संविधान दिवसको महत्त्व पनि संस्थागत हुने नभए दिवसको कार्यक्रम औपचारिकतामा सीमित रहने उनले बताए ।