काठमाडौं । भारतीय सेनाध्यक्ष जनरल मनोज पाण्डेले नेपालले निर्णय नगरे नेपालीलाई छुट्याइएको अग्निपथ भर्ती तत्काललाई फिर्ता हुने बताएका छन् ।

युनाइटेड सर्भिस इन्स्टिच्युसन अफ इन्डियाले बुधवार आयोजना गरेको एक कार्यक्रममा सेनाध्यक्ष पाण्डेले नेपालले निर्णय नगरे नेपालीलाई छुट्याइएको कोटा अन्यलाई दिने बताएका हुन् ।

भाद्र ९ गतेबाट सुरु हुने भनेको उक्त भर्ना कार्यक्रम अन्तिम समयमा आएर स्थगित भएको थियो।

भारतमा उक्त योजनाको अवधि (४ वर्षका लागि मात्र) र यसका प्रवाधानलाई लिएर नेपालमा तीव्र विरोध भएको थियो। पाण्डेले नेपालले समयमै निर्णय नगरे उक्त पद अरुलाई वितरण गर्ने बताएका हुन् ।