काठमाडौं । नेपाली युवा टोली श्रीलंकामा सम्पन्न साफ यू–१७ च्याम्पियनसिपमा भारतसँग पराजित भएको छ ।

बुधबार श्रीलंकामा भएको फाइनल भिडन्तमा नेपाललाई भारतले ४-० गोलले पराजित गर्दै उपाधि जितेको हो । भने नेपालले फेरि पनि उपविजेतामै चित्त बुझाएको छ ।

भारतका लागि बबी सिंहले १८ मिनेट, कोरोउ सिंहले ३० मिनेट, गुइटेले ६३ र अमनले दोस्रो हाफको इन्जुरी टाइममा गोल गरेका थिए।

यसअघि समूह चरणमा पनि नेपाल र भारत भिडेका थिए। सो खेलमा भने नेपालले भारतलाई ३-१ गोलले पराजित गरेको थियो।
साफको यो प्रतिस्पर्धामा नेपाल फाइनलमा पराजित भएको चौथो पटक हो ।