काठमाडाैं । थापाथलीस्थित नर्भिक इन्टरनेशनल हस्पिटलले स्वास्थ्य शिविर आयोजना गर्ने भएको छ ।

अस्पतालले आगामी असोज १ गते शनिबारका दिन काठमाडाैंको कमलपोखरीस्थित अग्रवाल भवनमा निशुल्क स्वास्थ्य शिविर आयोजना गर्न लागेको हो ।

बिहान ९ः३० बजेदखि दिउँसाे १ः३० बजेसम्म सञ्चालन हुने स्वास्थ्य शिविरमा मुटुरोग, स्त्री तथा प्रसूति, ग्यास्ट्रिक, हाडजोर्नी र जनरल फिजिसियन सम्बन्धी विशेषज्ञ सेवा निःशुल्क पाइनेछ । अस्पतालका अनुसार शिविरमा इसीजी, सुगर, भाइटल्स लगायतका निःशुल्क परामर्श सेवासमेत उपलब्ध हुनेछ ।

अस्पतालले निशुल्क स्वास्थ्य शिविरमा सहभागी हुन चाहनेका लागि अग्रिम नाम दर्ताको व्यवस्था समेत गरेको छ ।