काठमाडौं । दिल्ली भ्रमणमा रहेका नेपालका परराष्ट्र सचिव भरतराज पौडेल र भारतीय समकक्षी विनयमोहन क्वात्राबीच भेट भएको छ ।

तीन दिने भ्रमणका लागि दिल्ली पुगेका परराष्ट्र सचिव पौडेलले भारतीय समकक्षी क्वात्रासँग मंगलबार भेट गरेका हुन् ।

उक्त भेटवार्तामा दुई समकक्षीबीच द्विपक्षीय हितका विषयमा छलफल भएको र राजनीतिक नेतृत्वले तय गरेको भिजन बमोजिम नेपाल-भारतको सम्बन्धलाई सकारात्मक गतिमा अघि बढाउने विषयमा समझदारी बनेको सचिव क्वात्राको सचिवालयले उल्लेख गरेको छ ।

परराष्ट्र सचिव पौडेल बिहीबार स्वदेश फर्कने कार्यक्रम रहेको छ ।