काठमाडौँ । नेपाली गीत संगित जगतमा दर्शकहरुले निकै रुचाउँदै आएका संगितकार तथा निर्देशक देव पुन मगरद्वारा निर्देशित नयाँ म्यूजिक भिडियो सार्वजनिक भएको छ ।

पुनको आफ्नै शब्द र संगीतमा रहेको ‘चौबन्दी चोली’ बोलको सालैजो गीतको म्यूजिक भिडियो युट्युबमा सार्वजनिक गरिएको हो ।

नेपालको गण्डक क्षेत्रमा अतिनै प्रचलित रहेको सालैजो गीतमा मौलिक शब्द, लय, नृत्य र भेष-भुषाले गीत तथा भिडियोको सम्पुर्ण पक्ष समेटेको निर्देशक देव पुनले बताए ।

गीतमा नेपाल आईडल सिजन ४ का बिजेता भुपेन्द्र थापा मगर र तृतीया गुरुङको स्वर रहेको छ ।

पछिल्लो समयमा म्युजिक भिडियोतिर निकै ब्यस्त हुँदै आईरहेका बहुमुखी प्रतिभाका धनी देव पुन आफैले यस गीतको निर्देशन र छायांकन गरेका छन् । कोरियोग्राफी भने सीता राईले गरेकी छन्।

गीतमा मिनुज रानामगर, बिक्रम लामा, मल्लिका गुरुङ र पिया गुरुङको उत्कृष्ट अभिनय रहेको छ ।