काठमाडौं । इस्टर्न हाइड्रोपावरले आयोजना प्रभावित बासिन्दाका लागि निष्कासन गरेको साधारण शेयर (आईपीओ)मा आवेदन दिने आज अन्तिम दिन रहेको छ ।

आयोजनाले आयोजनाबाट प्रभावित स्थानीय बासिन्दाका लागि १०० अंकित मूल्यको ६ लाख २० हजार कित्ता आईपीओ निष्कासनमा ल्याएको थियो ।

आज बैंकिङ समयसम्म आवेदन दिन मिल्ने गरी कम्पनीले आयोजना प्रभावित क्षेत्र भोजपुर जिल्लाका सम्पूर्ण स्थायी बासिन्दाहरूका लागि आईपीओ जारी गरेको हो ।

जसमा लगानीकर्ताले न्यूनतम १० कित्ता शेयर खरिदका लागि आवेदन दिनुपर्नेछ भने अधिकतममा १ लाख कित्तासम्मका लागि आवेदन दिन सक्नेछन् ।

आईपीओ निष्कासनका लागि गराएको रेटिङमा केयर रेटिङ नेपाले कम्पनीलाई केयर एनपी बी प्लस इस्युअर रेटिङ प्रदान गरेको छ ।

लगानीकर्ताले एनएमबी बैंक, ग्लोबल आईएमई बैंक, प्रभु बैंक र लक्ष्मी बैंकका भोजपुर शाखाहरूबाट आवेदन दिन सक्नेछन् ।