धनुषा । बाँसको झाडीमा अन्दाजी २६ वर्षीय एक महिलाको शव फेला परेको छ ।

शहिदनगर नगरपालिका– ३, यदुकुहामा स्थानीयवासीले नहरको डिलमा रहेको बाँसको झाडीमा शव देखेपछि प्रहरीलाई खबर गरेका थिए ।

मृतक महिला शहिदनगर नगरपालिका– ३, यदुकुहा बजार निवासी रहेको बताइएको छ । मृतकको घरबाट केही दूरीमा रहेको स्कुलमा सोमबार राति मेला र सांस्कृतिक कार्यक्रम आयोजना गरिएको थियो ।

मेलाकै मौका छोपेर उनको बलात्कार गरी हत्या भएको हुन सक्ने प्रहरीले जनाएको छ । मृतक महिलाका पनि चार वर्षदेखि वैदेशिक रोजगारीमा छन् । उनको एक ३ वर्षीय छोरी छिन् ।