काठमाडौं । ‘एएनटिएफ र्याप ब्याटल’ बाट चर्चित भएका जी बब नामले परिचित र्यापर सुदीप भण्डारीले धरानका दर्शक नचाएका छन् ।

धरानमा आयोजित ‘टुबोर्ग फुल भोल्युम कन्सर्ट’ मा जी बबले आफ्नो र्याप गीत संगीतबाट दर्शक नचाएका हुन् ।

कार्यक्रममा जी बबले ‘मिलेन लेभल तेरो बाउ बोला ए’, ‘फाइनली भेटियो’, ‘कलाको म धनी’, ‘भाग न भाग, ‘कलाकार’, ‘सिधा कुरा मेरो’ र ‘सरी मम’ लगायत युवा पुस्तामाझ लोकप्रिय गीत प्रस्तुत गरेका थिए । कार्यक्रममा गायिका अस्मिता अधिकारी, र्यापरहरु प्लस डिभाइड र सिरुपातेसँगै धरानको चर्चित डीजे नभसनले डीजेइङ समेत प्रस्तुत रहेका थिए ।

गायिका अस्मिता अधिकारीले काफल कमल, टाढा भएपनि, लज्जावती झार, साली मनपरर्यो, तिम्रो मायाले बाँधेर राख लगायत गीतहरूले दर्शक रिझाएकी थिइन् ।

सिल्भर इन्टरटेनमेन्टको आयोजना तथा टुबोर्ग बियरको प्रस्तुति रहेको फुल भोल्युम कन्सर्टमा डिभाइन वाइन , रेड्ब्ल्यु इनर्जी ड्रिंकको सह(प्रायोजन , केन्द्र मोसन पिक्चर्स , एसपी इभेन्ट्स युके , एनएचडीडी स्टुडियो , भीआइपि नेपाल ऑस्ट्रेलियाको बिषेश सहयोग तथा महेन्द्र अक्वा , पेप्सी , धरान टि र पीएच शाइन शेम्पू, हाइल्यानडर भोड्का , रोयल स्ट्यागको सहयोग रहेको थियो ।