काठमाडौं । पछिल्लो २४ घण्टामा कोरोनाबाट २ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार यो अवधिमा १०४ जनालाई कोरोना संक्रमण पुष्टि भएको छ ।

मन्त्रालयका अनुसार पछिल्लो २४ घण्टामा ३ हजार ५८७ जनाको आरटी पीसीआर र एन्टिजेन विधिबाट परीक्षण गर्दा १०४ जनामा कोरोना संक्रमण पुष्टि भएको हो ।

मन्त्रालयका अनुसार १ हजार ५९२ जनाको पीसीआर विधिबाट परीक्षण गर्दा ८९ जना र १ हजार ९९५ जनाको एन्टिजेन विधिबाट परीक्षण गर्दा १५ जनामा कोरोना पुष्टि भएको हो ।

योसँगै नेपालमा कोरोना संक्रमितको कुल संख्या ११ लाख ५० हजार १७२ पुगेको छ ।

पछिल्लो २४ घण्टामा २०१ जना संक्रमणमुक्त भएका छन् । हाल देशमा २३१६ जना सक्रिय संक्रमित रहेका छन् ।