काठमाडौं । साताको चौथो कारोबार दिन बुधबार नेप्से परिसूचकसँगै कारोबार रकम पनि घटेको छ । मंगलबारको तुलनामा नेप्से ११.९७ अंक घटेर बन्द भएको छ ।

कारोबार रकम ३६ करोड ४५ लाख रुपैयाँले घटेको छ । मंगलबार एक अर्ब १९ करोड रुपैयाँको सेयर कारोबार भएको थियो ।

आज नेप्से परिसूचक ०.६१ प्रतिशत घटेर १९३९.८८ विन्दुमा रोकिएको छ । आज २२४ धितोपत्रको २९ लाख ४३ हजार ७६९ कित्ता सेयर ८३ करोड ६२ लाख रुपैयाँको कारोबार भएको छ । आज सर्वाधिक मूल्यको सेयर खरिद–बिक्री नेपाल दूरसञ्चार कम्पनी लिमिटेडको भएको छ । यो कम्पनीको पाँच करोड १५ लाख रुपैयाँको सेयर खरिद–बिक्री भएको छ ।

सेन्सेटिभ इन्डेक्स ०.४५ प्रतिशतले घटेर ३७७.३८ विन्दुमा बन्द भएको छ । कारोबारमा आएका १३ समूहमध्ये म्युचुअल फन्ड समूहको परिसूचक वृद्धि भएको छ भने बाँकी समूहको परिसूचक घटेको छ । म्युचुलअ फन्ड समूहको परिसूचक ०.७८ प्रतिशत वृद्धि भएको छ ।

सर्वाधिक परिसूचक घट्नेमा व्यापार समूह रहेको छ । यो समूहको परिसूचक २.४३ प्रतिशत घटेको छ ।