काठमाडौं । नेकपा एमालेले कमेडियन अपूर्व क्षितिज सिंहलाई थुनामा राखेको विषय प्रतिनिधिसभा बैठकमा उठाएको छ ।

बुधबार बसेको बैठकमा बोल्दै एमाले प्रमुख सचेतक विशाल भट्टराईले ब्यङ्ग्य गरेकै आधारमा उनलाई थुनामा राख्नु गैरकानुनी भएको बताएका छन् ।

१० दिनदेखि थुनामा रहेका उनले आफ्नो कमेडी पनि हटाएको भन्दै ब्यङ्ग्य गरेको आधारमा थुनामा नराख्न आग्रह गरे ।

उनले भने, ‘म उहाँलाई शीघ्र रिहाई गर्न माग गर्छु ।’

उनले हाल गठबन्धन सरकारका मन्त्रीहरु सुरक्षा गार्डले कर्के आँखाले हेर्यो भने पनि थुनाउने अवस्था रहेको बताए ।

नेवार समुदायको आस्था र रहनसहनमाथि आघात पुर्‍याएको आरोपमा पक्राउ परेका कमेडियन अपूर्व क्षितिज सिंह थुनामा छन् ।