काठमाडौं । राजस्व अनुसन्धान विभागले गत आर्थिक वर्षमा ३४७ प्रतिवादी विरुद्ध मुद्दा दायर गरेको छ ।

विभागले राजस्व चुहावट र विदेशी विनियम अपचलन गरेको पाइएका व्यक्ति तथा संस्थाहरू विरुद्ध सो संख्यामा मुद्दा दायर गर्दै १० अर्ब ५५ करोड रुपैयाँ बराबरको बिगो दाबी गरेको छ ।

राजस्व अनुसन्धान विभाग तथा विभाग अन्तर्गतका कार्यालयहरूले गरेको अनुसन्धानबाट गैरकानुनी काम गरेको पाइएपछि विभिन्न व्यक्ति तथा फर्म विरुद्ध मुद्दा दायर गरिएको विभागले जनाएको छ ।

राजस्व चुहावट गर्ने २४८ तथा विदेशी विनिमय अपचलन गर्ने ९९ व्यक्ति तथा फर्म विरुद्ध मुद्दा दायर गरिएको छ । विभागका अनुसार विभागले ५१ वटा मुद्दा दर्ता गरेको छ ।