काठमाडौं । सञ्चार तथा सूचना प्रविधि मन्त्री ज्ञानेन्द्र बहादुर कार्कीले सिट बाँडफाँट न्यायोचित र सम्मानजक रुपले सम्पन्न हुने बताएका छन् ।

नेपाल प्रेस युनियन केन्द्रीय समितिका पदाधिकारी एवं सदस्यहरुसँग मन्त्रालयमा भएको भेटमा मन्त्री कार्कीले यस्तो बताएका हुन् । सबैले मैले जितेको छु भन्ने भावका साथ सिट बाँडफाँट हुने उनले बताए ।

उनले भने, ‘सिट तीन आधारमा बाँडफाँट हुन्छ । न्यायोचित, सम्मानजनक र सबैले मैले जितेको छु भन्ने भावका साथ सिटको बाँडफाँट व्यवस्थित रुपले चाँडै नै हुने छ ।’

धेरैभन्दा धेरै आफ्नो दलका प्रतिनिधि सभा, प्रदेश सभा सदस्य निर्वाचित होउन् भन्ने चाहना हुनु स्वाभाविक भएको मन्त्री कार्कीले बताए ।

उनले सिट बाँडफाँटको काम चाँडै सक्नुपर्ने चाप आफूहरुलाई भएको उनले बताए ।