काठमाडौं । भारतीय स्थल सेनाध्याक्ष जनरल मनोज पाण्डेले आज प्रधानमन्त्री शेरबहादुर देउवासँग शिष्टाचार भेट गर्ने भएका छन् ।

पाँच दिने भ्रमणका लागि नेपाल आइपुगेका पाण्डे अपराह्न ३ बजे प्रधानमन्त्री देउवासँग शिष्टाचार भेट गर्न लागेका हुन् ।

त्यसअघि उनले आज बिहान माउन्टेन फ्लाइट गर्ने कार्यक्रम रहेको छ ।

उनले शिवपुरीस्थित नेपाली सेनाको कमाण्ड तथा स्टाफ कलेजको भ्रमण गर्ने कार्यक्रम छ । आजै साँझ उनी पशुपतिनाथको दर्शनमा जाने कार्यतालिका छ ।