काठमाडौं । निलम्बित प्रधानन्यायाधीश चोलेन्द्रशमशेर जबराले सशस्त्र प्रहरीका तत्कालीन डीआईजी रञ्जन कोइरालाको कैद सजाय घटाउनु गल्ती भएको स्विकारेका छन् ।

आइतबार रन्जन कोइरालाको फैसलाबारे सोधिएको प्रश्नमा उनले सजाय घटाउनु गल्ती भएको बताएका हुन् ।

आफूले यो मुद्दामा विवेक प्रयोग गरेको भन्दै उनले यसैका कारण महाअभियोग लगाइएको हो भने जनतासमक्ष माफी माग्ने बताए ।

उनले बयानको क्रममा भने, ‘यो पारिवारिक मुद्दा हो । नाबालक छोराहरू पनि इजलासमा उपस्थित भए । नाबालकहरूको पालन पोषणका लागि । पारिवारिक जीवन बिताउनका लागि कैद घटाइएको हो । त्यसमा विवेक प्रयोग गर्दा गल्ती भएको छ ।’

राणाले कोइरालाको मुद्दामा २० बाट घटाएर ८ वर्षमा झारेका थिए ।  राणाले उक्त मुद्दामा आफुलाई पछुतो भएको बताए ।