काठमाडौं । मकवानपुरमा गए राति अति भारी वर्षा मापन गरिएको छ । बाढी पूर्वानुमान महाशाखाका अनुसार देशका केही स्थानमा भारी वर्षा मापन गरिएको हो ।

मकवानपुरका कर्रा खोला, साम्री खोला, बकैया खोलालगायत आसपासका साना खोलामा आकस्मिक बहाव हुन सक्ने भन्दै महाशाखाले सतर्क रहन आग्रह गरेको छ ।

सिन्धुली, सर्लाही, रौतहट, बारा, पर्सा, चितवन, नवलपरासी (बर्दघाट सुस्ता पूर्व) र आसपासका केही स्थानमा भारी वर्षा मापन गरिएको छ । मरिन खोला, रिउ खोलालगायत उक्त जिल्ला भई बहने स–साना नदीमा आकस्मिक बाढी आउन सक्ने बाढी पूर्वानुमान महाशाखाले जनाएको छ ।