एजेन्सी । म्यानमारको सैन्य अदालतले आङ सान सुकीलाई निर्वाचनमा धाँधली गरेको अभियोगमा तीन वर्षको जेल सजाय सुनाएको छ ।

सन् २०२० मा भएको निर्वाचनमा धाँधली गरेको आरोपमा उनलाई कैद सजाय दिइएको हो ।

शुक्रवार दिइएको यस सजायपछि सू चीलाई अहिलेसम्म कुल २० वर्षको कैद सजाय सुनाइएको छ ।

अन्य अभियोगहरूमा उनलाई १७ वर्षको सजाय यसअघि नै दिइसकिएको छ ।

नोबेल पुरस्कार विजेता ७६ वर्षीया सुकीले आफ्नो जीवनको अधिकांश समय हिरासतमा बिताएकी छिन् र उनी घरमै नजरबन्दमा छिन् ।