बैतडी । दशरथचन्द राजमार्ग अन्तर्गत बैतडीको पाटन नगरपालिका ८ हरिचन मोडमा बस दुर्घटना भएको छ।

कञ्चनपुरको महेन्द्रनगरबाट बैतडीको मेलौली तर्फ आइरहेको पवनदुत यातायातको ना ७ ख २५७० नम्बरको बस आज बिहान करिब ५ बजेतिर दुर्घटनामा परेको हो ।

४५ यात्रु सवार बस सडकबाट करीब ५ मिटर तल खसेको छ। बस दुर्घटनमा परे पनि मानवीय क्षति भने नभएको जिल्ला प्रहरी कार्यालय बैतडीले जनाएको छ ।

दुर्घटनामा परेका सबै यात्रुको उद्धार गरिएको छ।   बसका चालकलाई प्रहरीले नियन्त्रणमा रहेका छन् ।