एजेन्सी । भारतीय जनता पार्टी (भाजपा) का नेता सुखवीरको अज्ञात बन्दुकधारीहरूले गोली हानेर हत्या गरेका छन् ।

बिहीबार भारतको हरियाणाको गुरुग्राममा कपडाको सोरूममा गएका उनलाई करिब पाँचजनाको समूहमा आएको अज्ञात बन्दुकधारीहरूले गोली हानेका हुन् ।

पश्चिम गुरुग्रामका डिसिपी दीपक सहारनले सो घटनाबारे जानकारी दिएका छन् । उनी पनि कपडा किन्न सो पसलमा गएका थिए।

भाजपा नेता तथा सोहना मार्केट कमिटीका पूर्वअध्यक्ष सुखबीरको उपचारको क्रममा मृत्यु भएको प्रहरीले जनाएको छ ।