सिरहा । सिरहामा इनारभित्रै करेन्ट लागेर बुबा र छोराको मृत्यु भएको छ ।

गोलबजार नगरपालिका ६ बस्ने बिजय साह र उनका छोरा अमर साहको बिहीबार करेन्ट लागेर मृत्यु भएको हो ।

बिहीबार अपराह्न ४ बजे पानी तान्ने मोटर मर्मतको लागि इनारभित्र पसेका बेला बुबाछोराको करेन्ट लागेर मृत्यू भएको जिल्ला प्रहरी कार्यालय सिरहाले जनाएको छ ।

शवलाई ईनारबाट निकालेर पोस्टमार्टमका लागि अस्पताल लगिएको र घटना विषयमा थप अनुसन्धान भइरहेको बताइएको छ ।