काठमाडौं । सन् २०१९ मा प्रदर्शनमा आएर राष्ट्रिय एवं अन्तराष्ट्रिय पुरस्कारहरु पाएको चलचित्र बुलबुल अमेजन प्राइममा रिलिज भएको छ ।

अमेरिका, बेलायत लगायत विश्वभरका दर्शकहरुले अमेजन प्राइमको साइटमा गएर निश्चित रकम तिरेपछि बुलबुल हेर्न सक्नेछन् ।

चलचित्रका निर्माता अविरल थापाले पहिले हलमा हेर्न नपाएका र नभ्याएका विदेशमा रहेका दर्शकहरुले बुलबुल हेर्न अत्याधिक माग गरेपछि अमेजन प्राइममार्फत पुन प्रदर्शनमा ल्याउन आफुलाई उचित लागेको बताए ।

यो चलचित्रले नेपालको तर्फबाट ९२ औं अस्कर फिल्म अर्वाडमा पनि प्रतिनिधित्व गरेको थियो भने संसारका कैयन अन्य चलचित्र महोत्सवमा पनि छानिएको थियो । चलचित्रमा नवअभिनेता मुकुन भुषाल , लक्ष्मी बर्देवा, दीपक क्षेत्री लगायतको पनि दमदार अभिनय रहेको छ ।