काठमाडौं । पछिल्लो २४ घण्टामा २६९ जनामा कोरोना भाइरसको संक्रमण पुष्टि भएको छ ।

तीन हजार ५५७ वटा नमुना परीक्षण गर्दा २६९ जनामा संक्रमण पुष्टि भएको हो ।

आज संक्रमणका कारण एकजनाको मृत्यु भएको छ । त्यस्तै आज २१५ जना कोरोना संक्रमणमुक्त भएका छन् ।

योसँगै हाल देशभर सक्रिय संक्रमितको संख्या तीन हजार १५८ पुगेको स्वास्थ्य मन्त्रालयले जनाएको छ ।

त्यस्तै, काठमाडौं उपत्यकामा काठमाडौंमा १०५ जना कोभिड १९ संक्रमित थपिएका छन् ।

काठमाडौंमा ८३, भक्तपुरमा पाँच र ललितपुरमा १७ जना संक्रमित थपिएका हुन् ।