कैलाली । सुदूरपश्चिम प्रदेश सरकारले प्रदेश सभाको दशौं अधिवेशनलाई केन्द्रित गरी गौरा पर्वको विदा कटौती गरेको छ ।

भदौ १८ गते परेको गौरा पर्वमा संघीय सरकारले विदा दिएकोमा प्रदेश सरकारले थप एक दिन १७ गते पनि विदा दिने भनेर प्रदेश राजपत्रमा उल्लेख गरेको थियो ।

तर बुधबार एक सूचना जारी गर्दै प्रदेशको आन्तरिक मामिला तथा कानुन मन्त्रालयले थपिएको एक दिनको विदा कटौती गरेको जनाएको छ ।

यस्तै भदौ १२ गते थारु समुदायको अटवारी पर्वका लागि कैलाली र कञ्चनपुरमा सार्वजनिक विदा दिइसकिएकाले १९ गतेका लागि राजपत्रमा उल्लेख भएको बिदा समेत झिकिएको जनाइएको छ ।