जनकपुरधाम । दुई बालिकालाई बेचबिखनका लागि भारत लैजाँदै गरेको अवस्थामा दुईजना पक्राउ परेका छन् । उनीहरुलाई धनुषा प्रहरीले माईनर्वा रेलवे स्टेशनबाट पक्राउ गरेको हो ।

पक्राउ पर्नेमा जनकपुरधाम उपमहानगरपालिका–७ कमलानगर टोल बस्ने २६ वर्षीय रूपेश कुमार मिश्र, वडा नम्बर–२३ लादोवेलाका २३ वर्षीय दिल महमद साह र महोत्तरीको मटिहानी नगरपालिका–२ विल्टाहा टोलकी २० वर्षीया रानी भन्ने मुस्कान मण्डल रहेको जिल्ला प्रहरी कार्यालय धनुषाले जनाएको छ ।

जनकपुरधाम–जयनगर रेल मार्ग हुँदै दुई बालिकालाई भारत बेच्न लगिरहेको गोप्य सूचनाको आधारमा खजुरी प्रहरी चौकीबाट खटिएको प्रहरी टोली उनीहरूलाई पक्राउ गरिएको हो ।

उनीहरूले दुवै बालिकाहरूलाई डेराबाट ललाई फकाई भारत लैजान ईनर्वा रेल्वे स्टेसन ल्याएका थिए । घटनाबारे थप अनुसन्धान भइरहेको जिल्ला प्रहरी कार्यालय धनुषाले जनाएको छ ।