एजेन्सी । भारत र अन्य मुलुकका सैनिकहरूले रुसी सैनिकहरूसँग मिलेर गर्न लागेको भोस्तोक २०२२ नामक अभ्यासको खबरले अमेरिकालाई आक्रोशित बनाएको छ ।

रुसमा १ देखि ७ सेप्टेम्बरसम्म चल्न लागेको अभ्यासमा कुनै पनि देशले भाग लिनु ठीक नभएको अमेरिकाको भनाइ छ ।

युक्रेनविरुद्ध युद्ध शुरू गरेपछि रुसले विशाल स्तरको सैन्य अभ्यास गर्न लागेको हो ।

भारतले भोस्तोक अन्तर्गत जापान सागरमा गरिने जलसैन्य अभ्यासमा पनि सहभागी नहुने जनाएको छ । जापानसँगको सुमधुर सम्बन्धका कारण भारतले उक्त अभ्यासमा भाग लिन अस्वीकार गरेको हो ।