काठमाडौं । सत्तारूढ गठबन्धनको शीर्ष नेताहरूको बैठक प्रधानमन्त्री निवास बालुवाटारमा शुरू भएको छ ।

आसन्न प्रदेश सभा र प्रतिनिधि सभाको सिट बाँडफाँट र समसामयिक राजनीतिका विषयमा छलफल गर्न शीर्ष नेतृत्वको बैठक बसेको नेताहरूले बताएका छन् ।

गठबन्धनले सिट बाँडफाँटको लागि कार्यदल बनाएको भए पनि कार्यदल निश्कर्षमा पुग्न सकेको छैन ।

माओवादी केन्द्रका अध्यक्ष पुष्पकमल दाहाल प्रचण्डले केही दिनमै सिट बाँडफाँटको टुंगो लाग्ने बताएका थिए ।

गठबन्धनमा कांग्रेस, माओवादी केन्द्र, एकीकृत समाजवादी, जनता समाजवादी पार्टी, नेपाल समाजवादी पार्टी र राष्ट्रिय जनमोर्चा सहभागी छन् ।