बुटवल । बुटवलको दिप बोर्डिङ हाई स्कूलका शिक्षकले १० कक्षामा पढ्ने विद्यार्थीलाई कुटपिट गरेका छन् ।

विद्यालयका कम्प्युटर शिक्षक एकराज गुरागाईले विद्यार्थी जेनित रायमाझीलाई कानमा हानेको अभिभावकले बताएका छन् ।

तिलोत्तमा–५ घर भएका जेनितले कक्षा कोठामा हाँसेको भन्दै शिक्षकले चट्कन हानेको अभिभावकले बताएका छन् ।

शिक्षकको कुटाइबाट घाइते भएका जेनितलाई अभिभावकले लुम्बिनी हस्पिटल एण्ड टेक्निकल कलेज प्रालिमा उपचार गराएका थिए । अभिभावकका अनुसार जेनितलाई १५ दिन आराम गर्न चिकित्सकले सुझाएका छन् ।