काठमाडौं । अहिलेसम्म वितरण गरिएका लालपुर्जा खारेज नहुने भन्दै भूमि व्यवस्था, सहकारी तथा गरिबी निवारणमन्त्री शशी श्रेष्ठले ढुक्क रहन आश्वासन दिएकी छन् ।

सुकुमबासी, भूमिहीन, मुक्तकमैया लगायतलाई उनीहरूको सम्पत्तिमाथिको अधिकार सुनिश्चित गराउन मन्त्री श्रेष्ठले लालपुर्जा वितरण गरेकी थिइन् ।

मन्त्री श्रेष्ठले मुक्तहलिया, कमैया, कमलरी र हरवाचरवाको समस्या समाधान गर्न कार्यदलले दिएको प्रतिवेदनअनुसार पहिचान, प्रमाणीकरण गर्ने, कार्यविधि तयार गर्ने र पुनःस्थापनाको कामका लागि कार्ययोजना बनाएर अगाडि बढिसकेको पनि बताएकी छन् ।

महिलाको संविधानमा भएको सम्पत्तिको समान हकको कार्यान्वयन गर्न अंशबण्डा गर्दा छोरीलाई पनि अनिवार्य उपस्थित गराउन देशभरका मालपोत कार्यालयमा निर्देशन गरी कार्यान्वयनमा ल्याइएको पनि उनको भनाइ छ । कारोबार दैनिकबाट