काठमाडौं । नेपाल प्रहरीका प्रहरी महानिरीक्षक (आईजीपी) धिरजप्रताप सिंह अमेरिका प्रस्थान गरेका छन् ।

अमेरिकामा संयुक्त राष्ट्रसंघको सदस्य राष्ट्रका प्रहरी प्रमुखको सम्मेलनमा सहभागी हुनका लागि आईजीपी सिंह सोमबार अमेरिका प्रस्थान गरेका हुन् ।

अगस्ट ३१, सेप्टेम्बर १ र २ मा आयोजना हुने प्रहरी प्रमुखहरुको सम्मेलनमा भाग लिन आईजीपी सिंह अमेरिका प्रस्थान गरेको प्रहरी प्रधान कार्यालयले जनाएको छ । सम्मेलनमा द्वीपक्षीय तथा बहुपक्षिय भेट समेत हुने बताइएको छ ।

यस्तै प्रहरी महानिरीक्षक सिंहले अमेरिकामा आयोजित विश्वभरका प्रहरी प्रमुखको सम्मेलनमा जानुअघि वरिष्ठ एआईजीपी सहकुल थापा लाई कार्यवाहक जिम्मेवारी दिएका छन् ।

यसैगरी संयुक्त राष्ट्रसंघले आयोजना गरेको सम्मेलनमा सहभागी हुन शसस्त्र प्रहरी बलका प्रमुख राजु अर्याल पनि अमेरिका प्रस्थान गरेका छन् । आईजीपी सिंह र आर्याल करिब दुई सातापछि फर्कने कार्यतालिका रहेको बताइएको छ ।