रौतहट । रौतहटमा सुरक्षाकर्मीलाई देखेपछि गाँजा कारोबारी भागेका छन् ।

जिल्लाको गौर नगरपालिका–२ स्थित बकैया खोला किनारमा प्रहरीले लखेटेपछि गाँजा तस्करले गाँजा फालेर भागेका हुन् ।

भारततर्फ लैजाँदै गरेको अवस्थामा गाँजा कारोबारीले फालेको २ सय ४ किलो गाँजा प्रहरीले बरामद गरेको छ ।

अस्थायी प्रहरी पोष्ट महादेवपट्टि र सशस्त्र प्रहरीको बेस क्याम्प गौरबाट खटिएको टोलीले गाँजा बरामद गरेको जिल्ला प्रहरी कार्यालय रौतहटले जनाएको छ ।

सोमबार बिहान गस्तीमा गएको प्रहरीलाई देख्नासाथ गाँजा कारोबारीहरु १७ वटा प्लाष्टिकको पोकामा लाँदै गरेको गाँजा फालेर भागेका थिए ।