काठमाडौं । नेपाली कांग्रेसकी एक सांसदले माओवादीसँगको अपवित्र गठबन्धन तोडेर एक्लै चुनावमा जान सभापति शेरबहादुर देउवालाई आग्रह गरेकी छन् ।

सोमवार बसेको प्रतिनिधिसभा बैठकको शून्य समयमा कांग्रेस सांसद पार्वती डिसी चौधरीले यस्तो बताएकी हुन् ।

माओवादीसँगको अपवित्र चुनावी गठबन्धनले कांग्रेसलाई हित नगर्ने उनले दाबी गरिन् ।

उनले भनिन्, माओवादीसँगको चुनावी अपवित्र गठबन्धनले न देशलाई न पार्टीलाई, गठबन्धनले दुवै पार्टीलाई फाइदा गर्दैन । यो अपवित्र गठबन्धन जनतासंँगको बेइमानी पनि हो।’

यसअघिको संसद बैठकमा उनले राष्ट्रपति विद्या भण्डारीले नागरिकता विधेयक फिर्ता गरेको कदमको स्वागत गरेकी थिइन् ।