काठमाडौं । बलिउडका चर्चित अभिनेता गोविन्दा नेपाल भ्रमणमा आएका छन्।

आइबार काठमाडौंमा आयोजित सुपर डान्सर नेपाल प्रतियोगिताको बारेमा जानकारी गराउन आयोजित कार्यक्रममा सहभागी हुन उनी नेपाल आएका हुन्।

उक्त कार्यक्रममा बोल्दै भारतीय अभिनेता गोविन्दाले कला र संस्कृतिबिना देशको पहिचान हुन नसक्ने बताए। अभिनेता गोविन्दाले दर्शकहरुले कलाकारलाई सधैं साथ दिनुपर्ने बताए ।

भुषण दाहालले निर्देशन गर्ने सुपर डान्सर नेपाल शोको निर्णायकका रुपमा भाग लिन गोविन्दा नेपाल आएका हुन्। चारदेखि १४ वर्ष उमेर समूहका बालबालिकाबीच प्रतिस्पर्धा हुने यो रियालिटी शोको निर्णायकमा कलाकार भुवन केसी, जसिता गुरुङ र सुरेन्द्र राई रहेका छन्।