एजेन्सी । साविक विजेता बायर्न म्युनिखले जर्मन बुन्डेसलिगामा बराबरी खेलेको छ ।

घरेलु मैदानमा शनिबार राति सम्पन्न खेलमा बायर्नले बोरुसिया मोन्चेनग्लाडवाकसँग १–१ गोलको बराबरी खेलेको हो । बायर्नका लागि साडियो मानेले गोल गरे ।

यता, पाहुना टोलीका मार्कस थुरामले गोल गरेका थिए। बराबरीसँगै अपराजित रहेको बायर्न ४ खेलबाट १० अंक जोडेर शीर्षस्थानमा रहेको छ।

समान खेलबाट ८ अंक जोडेर मोन्चेनग्लाडवाक छैटौं स्थानमा रहेको छ।