काठमाडौँ । स्वास्थ्य तथा जनसंख्यामन्त्री भवानीप्रसाद खापुङ वीर अस्पताल भर्ना भएका छन् ।

रिंगटा लाग्ने, बान्ता हुनेजस्ता लक्षण देखिएपछि खापुङलाई शुक्रबार अस्पताल भर्ना गरिएको उनका स्वकीय सचिव भगीश्वर लिम्बूले जानकारी दिए ।

उनकाअनुसार मन्त्री खापुङको भीआईपी कक्षमा राखेर उपचार भइरहेको छ ।

मन्त्री खापुङ बिहीबारमात्रै गृहजिल्ला तेह्रथुमसहित पूर्वका जिल्ला भ्रमण गरेर काठमाडौं फर्किएका थिए ।