दाङ । मोटरसाइकलको ठक्करबाट दाङमा ७१ वर्षीय वृद्धको मृत्यु भएको छ ।

तुलसीपुर उपमहानगरपालिका–८ स्थित अश्वार निवासी मोतिलाल ओलीको मोटरसाइकलले ठक्करबाट मृत्यु भएको हो ।

तुलसीपुर–५ रानी जरुवाका सुवास परियारले चलाएको मोटरसाइकलले अश्वारमै ठक्कर दिँदा घाइते भएका उनको कोहलपुरमा उपचार गर्न लैजाने क्रममा निधन भएको जिल्ला प्रहरी कार्यालय दाङले जनाएको छ ।

उक्त मोटरसाइकल कविराम चौधरीको रहेको र परियारलाई चलाउन दिएका थिए । दुर्घटनापछि मोटरसाइकल धनी र चालक दुवै जना फरार रहेका छन् ।