एजेन्सी । दिल्लीको एम्समा १५ दिनदेखि भर्ना भइरहेका राजु श्रीवास्तवलाई बिहिबार बिहान होश आएको छ ।

उनी कोमामा थिए । उनको स्वास्थ्यमा लगातार सुधार भइरहेको छ ।यसबारे जानकारी उनका भतिजो मयंक श्रीवास्तवले दिएका हुन् ।

परिवारका अनुसार बुधबार आधा घण्टाका लागि उनलाई भेन्टिलेटरबाट हटाइएको हो । यसअघि १५ अगस्टमा १ घण्टाका लागि उनलाई भेन्टिलेटरबाट हटाइएको थियो ।

त्यतिबेला उनलाई ज्वरो आएको थियो ।  त्यसपछि उनलाई पुनः भेन्टिलेटरमा राखिएको थियो ।