एजेन्सी । भारतीय हास्यकलाकार राजु श्रीवास्तवलाई उपचारको १५औं दिन होस आएको छ । भारतीय मिडियाका अनुसार दिल्लीस्थित एम्समा उपचारत श्रीवास्तवलाई १५औं दिन आज बिहीबार बिहान होश आएको हो ।

उनले एम्सका मेडिकल स्टाफसँग पनि इशारामा कुरा गरेको मिडिया रिपोर्टमा उल्लेख छ ।

हृदयघात भएपछि राजुलाई अगस्ट १० मा दिल्लीको एम्समा भर्ना गरिएको थियो ।

परिवारका सदस्यहरुका अनुसार बुधबार आधा घण्टासम्म भेन्टिलेटर हटाइएको थियो । राजुलाई भेन्टिलेटर सपोर्टबाट बाहिर निकालेको यो दोस्रो पटक हो । यसअघि अगस्ट १५ मा १ घण्टाका लागि भेन्टिलेटर हटाइएको थियो । त्यसपछि उनलाई ज्वरो आयो । त्यसपछि उनलाई फेरि भेन्टिलेटरमा राखिएको थियो ।