काठमाडौं । भारतीय सेनाको ‘अग्निपथ’ योजनामा नेपाली युवा भर्ती नगर्न नेपाल सरकारले भारतलाई आग्रह गरेको छ ।

परराष्ट्रमन्त्री डा. नारायण खड्काले नेपालका लागि भारतीय राजदूत नवीन श्रीवास्तवलाई मन्त्रालयमा बोलाएर नेपाली युवा भर्ती गर्ने योजना स्थगित गर्न आग्रह गरेका हुन् ।

सबै दलको एकीकृत धारणा बनाउनु पर्नेभन्दै मन्त्री खड्काले तत्कालका लागि उक्त योजनामा नोपली युवालाई सहभागी नबनाउन भनेका हुन् ।

‘अग्निपथ’ योजनामा नेपाली युवालाई भर्ती गर्न भारतीय सेनाले आज बुटवलमा र भदौ १६ गते धरानमा प्रारम्भिक छनोट गर्ने तयारी गरेको छ । ‘अग्निपथ’ योजना भारतमै विवादित बनेको छ ।