एजेन्सी । थाइल्यान्डको संवैधानिक अदालतले प्रधानमन्त्री प्रायुथ चान–ओचालाई निलम्बन गरेको छ ।

बुधबार पाँचजना न्यायाधीशको इजलासमा भएको निर्णयमा चारजना न्यायाधीश प्रधानमन्त्री प्रायुथलाई तत्काल निलम्बन गर्ने पक्षमा उभिएपछि उनी निलम्बित भएका हुन् ।

तर अदालतबाट अन्तिम फैसला आउन बाँकी छ । अदालतले अन्तिम फैसलाको मिति पनि तोकेको छैन । आजैदेखि लागु हुनगरी अन्तिम फैसला नआउन्जेलसम्मका लागि उनलाई निलम्बन गरिएको अदालतले बताएको छ ।

उनको कार्यकाल सकिएको दाबीसहित विपक्षी राजनीतिक दलहरूले अदालतमा मुद्दा दायर गरेका थिए । सन् २०१४ देखि सरकारको नेतृत्व गर्दै आएका प्रायुथ आफ्नो कार्यकाल भन्दा बढी सयम सत्तामा रहेको उनीहरूको दाबी छ ।