एजेन्सी । घरेलु टोली वेस्ट इन्डिजविरुद्धको एकदिवसीय सिरिज न्युजिल्यान्डले जितेको छ । बारबाडोसमा सोमबार बिहान भएको सिरिजको अन्तिम खेलमा न्युजिल्यान्डले वेस्ट इन्डिजलाई ५ विकेटले हराउँदै सिरिज २–१ ले जितेको हो ।

वेस्ट इन्डिजले दिएको ३०२ रनको लक्ष्य पछ्याएको न्युजिल्यान्डले ४७ ओभर १ बलमा ५ विकेट लक्ष्य पूरा गर्‍यो । न्युजिल्यान्डका लागि चार खेलाडीले अर्धशतक पूरा गरे ।

न्युजिल्यान्डका कप्तान टोम लेथमले ६९ रनको अर्धशतकीय पारी खेल्दा ड्रयाल मिचेल ६३, मार्टिन गप्टिल ५७ र डेभोन कन्वेले ५६ रनको अर्धशतकीय पारी खेलेका हुन् । वेस्ट इन्डिजका लागि जेसन होल्डर र यानिक कारिकले समान दुई–दुई विकेट लिए । त्यस्तै अल्जारी जोसेपको हातमा एक विकेट रह्यो ।

यसअघि पहिले ब्याटिङ गरेको वेस्ट इन्डिजले ५० ओभरमा ८ विकेट गुमाउँदै ३०१ रन बनाएको थियो । वेस्ट इन्डिजका लागि कायल मेयर्सले १०५ रनको शतकिय पारी खेले । ११० बल खेलेका उनले १२ चौका र ३ छक्का प्रहार गरे ।

त्यस्तै निकोलस पुरन र शाही होपले अर्धशतकीय पारी खेले । पुरनले ९१ बनाउँदा होपले ५१ रनको योगदान गरे । बलिङतर्फ न्युजिल्यान्डका लागि पाहुना टोलीका लागि ट्रेन्ट बोल्डले ३ तीकेट लिए । त्यस्तै मिचेल स्टानरले २ विकेट लिए ।