काठमाडौं । कोरोना संक्रमणमुक्त भएको हिमाली जिल्ला हुम्लामा झन्डै ६ महिनापछि अस्पतालका एक जना चिकित्सक सहित २२ जनालाई कोरोना पुष्टि भएको छ ।

लामो समयपछि कोरोनाको लक्षणसँग मिल्ने रुघाखोकी तथा ज्वरोका बिरामीलाई परीक्षण गर्दा कोरोना पुष्टि भएको हो । स्वास्थ्य सेवा कार्यालयबाट ४७ जनाको परीक्षण गर्दा २२ जनामा कोरोना पुष्टि भएको कार्यालयले जनाएको छ ।

जिल्ला अस्पतालमा कार्यरत चिकित्सक कैलाश लामा सहित नौ जना स्वास्थ्यकर्मीलाई पनि कोरोना देखिएको छ । कर्मचारी तथा अन्य १३ जना सर्वसाधारणलाई पनि कोरोना देखिएको छ ।

हाल रुघाखोकी तथा ज्वरोका बिरामीको सङ्ख्या बढेको कारण सबैलाई सावधानी अपनाउन पनि अस्पतालले सबैलाई आग्रह गरेको छ ।