झापा । झापाका विभिन्न स्थानबाट प्रहरीले अवैध भन्सार छलिका सुपारी र कपडा बरामद गरेको छ । शुक्रबार मेचीनगर नगरपालिका, ६ पिङकिठ्याकमा नेपालबाट भारत तर्फ अवैध रुपमा लिदै गरेको सुपारी बरामद गरिएको हो ।

जिल्ला प्रहरी कार्यालय झापाका अनुसार पिङकिठ्याकबाट भारत तर्फ लैजाँदै गरेको ८५ हजार मुल्य बराबरको एक सय ४० केजी सुपारी नियन्त्रणमा लिइएको हो ।

यस्तै आजै सोही जिल्लाको भद्रपुर नगरपालिका, ६ भानुचोकमा भारतबाट अवैध रुपमा लुकाई छिपाई ल्याउँदै गरेको कपडा बरामद गरिएको जिल्ला प्रहरी कार्यालय झापाले जनाएको छ ।

उक्त कपडाको एक लाख मुल्य पर्ने प्रहरीले अनुमान गरेको छ । बरामद सुपारी र कपडा आवश्यक अनुसन्धानको लागि झापा प्रहरीले भन्सार कार्यालय बुझाएको छ ।