काठमाडौं । सन्तोष सेनको बहुप्रतिक्षित फिल्म ‘प्रेमगीत–३’को दोस्रो अफिसियल टिजर सार्वजनिक भएको छ ।

शुक्रबार प्रदीप खड्का र कृष्टिना गुरुङ स्टारर् ‘प्रेमगीत–३’को ओएसआरबाट नेपाली र जी म्युजिक कम्पनीबाट हिन्दी भर्सनको टिजर सार्वजनिक गरिएको हो ।

फिल्मको सार्वजनिक दोस्रो टिजरमा पनि मुख्य पात्र प्रदीपको चरित्रलाई महत्व दिइएको छ । टिजरमा मुख्य पात्रले राजगद्दी वा प्रेममध्ये एक छान्नुपर्ने संघर्ष नै प्रस्तुत गरिएको छ ।

असोज ७ गतेदेखि सार्वजनिक प्रदर्शनमा आउने फिल्मको निर्माता सन्तोष सेनले सेप्टेम्बर १ तारिखमा ट्रेलर रिलिज हुने बताए ।

स्वर्गीय छेतेन गुरुङ र सन्तोष सेनले संयुक्त रूपमा निर्देशन गरेको फिल्ममा प्रदीप खड्का, क्रिस्टिना गुरुङ, अनुभव रेग्मी, सम्वृद्धि शाही ठकुरी, सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरीलगायतका कलाकारहरूको अभिनय रहेको छ । क्रिस्टिनाले उक्त फिल्मबाट डेब्यु गरेकी हुन् ।