काठमाडौं । गृहमन्त्री बालकृष्ण खाँणले कानुन बनाउन ढिलाइ हुँदा नागरिकता नपाएकाहरुलाई नागरिकता उपलब्ध गराउन नसकेको बताएका छन्।

श्रीकृष्ण जन्माअष्टमीको अवसरमा काठमाडौंमा आयोजित चैतन्य झाँकी प्रवचन कार्यक्रममा बोल्दै गृहमन्त्री खाँणले यस्तो बताएका हुन् ।

२०७२ सालमा संविधान बनेपनि समयमै कानुन बनाउन नसक्दा नागरिकता उपलब्ध गराउन नसकेको उनको भनाइ छ।

उनले बिहीबार प्रतिनिधि सभाबाट बहुमतले पारित भएको नागरिकता ऐनको संशोधन विधेयकले राष्ट्रियतालाई बलियो बनाउने बताए। उनले नागरिकता विधेयकमाथि अनावश्यक चर्चापरिचर्चा नगर्न आग्रह गरे।